२०२६ वर्षाची सुरुवात ज्योतिषीय दृष्टिकोनातून अत्यंत महत्त्वाची मानली जात आहे. विशेषतः वर्षाचा दुसरा महिना म्हणजेच फेब्रुवारी हा ग्रहांच्या हालचालींमुळे विशेष ठरणार आहे. बुद्धी, तर्कशक्ती आणि व्यापाराचा कारक मानला जाणारा 'बुध' ग्रह या महिन्यात एकामागून एक तीन वेळा आपली चाल बदलणार आहे. जरी या काळात बुध ग्रह वक्री होणार असला, तरी काही विशिष्ट राशींसाठी ही स्थिती वरदान ठरणार आहे. पंचांगानुसार, ३ फेब्रुवारीला बुध कुंभ राशीत प्रवेश करेल, त्यानंतर ७ फेब्रुवारीला शतभिषा नक्षत्रात आणि १५ फेब्रुवारीला पूर्वाभाद्रपद नक्षत्रात त्याचे गोचर होईल.
वृषभ राशीच्या लोकांसाठी बुधाची ही तिहेरी चाल जीवनात स्थिरता घेऊन येईल. जर तुम्ही व्यवसायाशी संबंधित महत्त्वाचे निर्णय घाई न करता विचारपूर्वक घेतले, तर मोठ्या आर्थिक नुकसानापासून वाचाल. या महिन्यात तुमच्या नेतृत्व गुणांमध्ये (Leadership Skills) कमालीची सुधारणा दिसून येईल, ज्यामुळे कार्यक्षेत्रात तुमची प्रशंसा होईल. आरोग्याच्या दृष्टीनेही हा काळ चांगला असून त्वचाविकारांपासून दिलासा मिळण्याची शक्यता आहे.
फेब्रुवारी महिन्यातील बुधाचे वारंवार होणारे बदल धनु राशीच्या व्यक्तींसाठी भाग्योदय करणारे ठरतील. तुम्ही तुमच्या कौटुंबिक आणि व्यावसायिक जबाबदाऱ्या प्रामाणिकपणे पार पाडाल, ज्यामुळे कोणत्याही मोठ्या संकटात अडकणार नाही. नोकरीत यश मिळेल. आर्थिक आघाडीवर बुधाचे हे गोचर अत्यंत शुभ असून धनलाभाचे योग जुळून येत आहेत. दैनंदिन दिनचर्येत सकारात्मक बदल केल्यास आरोग्याच्या तक्रारीही दूर होतील.
मकर राशीच्या जातकांसाठी फेब्रुवारी २०२६ हा महिना परिश्रमाला यशाची जोड देणारा ठरेल. तुम्ही ज्या कार्यासाठी अहोरात्र कष्ट करत आहात, त्याचे सकारात्मक फळ या काळात मिळण्यास सुरुवात होईल. आर्थिक नियोजनामुळे तुम्ही मोठ्या संकटातून वाचाल. तसेच, तुमच्या वैयक्तिक आयुष्यात आणि प्रेमसंबंधांमध्ये गोडवा निर्माण होईल. जोडीदारासोबतचे मतभेद दूर होऊन नात्यात नवा उत्साह पाहायला मिळेल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.