Goa Assembly Monsoon Session 2024: आमदारांचा विशेषाधिकार तो काय? आलेमाव यांचा प्रश्न

विधानसभा संकुल सुरक्षित आहे का, याविषयी सार्वजनिक बांधकाम खात्याला उद्देशून सादर केलेला प्रश्न कामकाजात का समाविष्ट केला नाही, अशी विचारणा विरोधी पक्षनेते युरी आलेमाव यांनी विधानसभेत केली.

ही माहिती आमदार विचारू शकत नाहीत. मात्र, माहिती हक्क कायद्याखाली ती माहिती दिली जाते. मग आमदारांचा विशेषाधिकार तो काय, असा मुद्दा त्यांनी उपस्थित केला.

विधानसभेचे कामकाज आज सुरू झाले तेव्हा आलेमाव यांनी हरकतीच्या मुद्याद्वारे हा विषय उपस्थित केला.