LokSabhaElection2024: सत्ताधारी भारतीय जनता पक्षाने या निवडणुकीत सरकारी यंत्रणेचा वापर केला. त्यांनी मतदान नियमांचे उल्लंघन केले. बळ व पैशांचा वापर केला. तरीही मतदार त्यांना योग्य उत्तर देणार असून निकालाच्या दिवशी ते स्पष्ट होणार आहे, असे विरोधी पक्षनेते युरी आलेमाव यांनी सांगितले. दक्षिण गोव्यात (South Goa) निश्र्चितच इंडिया आघाडीचे काँग्रेस उमेदवार कॅप्टन विरियातो फर्नांडिस यांना यश मिळेल, अशी खात्री त्यांनी व्यक्त केली.
कुंकळ्ळीतही मुख्यमंत्री, मंत्री, उद्योगपती आले, तरीही त्यांचा प्रभाव मतदारांवर पडलेला नाही व या मतदारसंघात इंडिया आघाडीच्या उमेदवाराला आघाडी मिळेल. कुंकळ्ळी मतदारसंघात सकाळी मतदान सुरू होण्यापूर्वी गिरदोळी, देमानी व चांदर येथील मतदार केंद्रावरील ईव्हीएम मशीनमध्ये बिघाड झाला. नंतर तो दुरुस्त करण्यात आला, अशी माहिती आलेमाव यांनी दिली.
आम्ही या निवडणुकीत आक्रमक प्रचार केला असून आम्ही नियोजनबद्ध व पद्धतशीरपणे प्रचार केला. त्याचा परिणाम मतमोजणीवेळी निश्र्चितच कळेल, असेही युरी आलेमाव यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.