Margao Crime: दुसऱ्यावर प्रेम करते म्हणून तरुणीला लाथाबुक्क्यांनी मारहाण, भिंतीवर आपटले डोके; तरुणाविरोधात गुन्हा

मडगाव: दुसऱ्यावर प्रेम करते म्हणून तरुणीला मारहाण केल्याची घटना कंकुळ्ळीत उघडकीस आली आहे. याप्रकरणी तरुणाविरोधात गुन्हा नोंद करण्यात आला आहे. तरुणाने तरुणीच्या कामाच्या ठिकाणी जात मारहाण केल्याची माहिती समोर आली आहे.

दिलीप वेळीप (रा. पाड्डी, बार्शे) याच्या विरोधात गुन्हा नोंद करण्यात आला आहे. मारहाण झालेल्या तरुणीने दिलेल्या तक्रारीनंतर कुंकळ्ळी पोलिसांनी याप्रकरणी गुन्हा नोंद केला आहे.

मिळालेल्या माहितीनुसार, तरुणी काम करत असलेल्या ठिकाणी दिलीप वेळीपने जात. तरुणी दुसऱ्या मुलावर प्रेम करते का? याबाबत विचारणा केली. यावरुन दोघांमध्ये वाद झाला. संशयित दिलीपने तरुणीला लाथाबुक्क्यांनी मारहाण केली. तसेच, तरुणीचे डोकेही भिंतीवर आपटले.

या मारहाणीत तरुणी गंभीर जखमी झाली आहे. जखमी तरुणीने कुंकळ्ळी पोलिसांत धाव घेत झालेल्या प्रकाराचे कथन केले. पोलिसांनी याप्रकरणी दिलीप याच्याविरोधात गुन्हा नोंद केला आहे.