मडगाव : एका असाध्य व्याधीमुळे 75 टक्के अंग लुळे पडल्याने हंथरुणाला खिळून असलेल्या आणि हाताचे केवळ एक बोट चालत असल्यामुळे त्या बोटाने मोबाईलवर कविता टाईप करून त्याचा कविता संग्रह प्रसिद्ध करणाऱ्या साहित्य अकादमी पुरस्कार प्राप्त युवा कवियत्री श्रद्धा गरड यांची राज्यपाल श्रीधरन पिल्ले यांनी आज तिच्या घरी भेट देऊन अभिनंदन केले.
राज्यपाल (Governor) पिल्ले आज स्वतः गरड यांच्या दवर्ली येथील घरी आले. त्यांनी गरड यांची आपुलकीने विचारपूस केली. नंतर पत्रकारांशी बोलताना, श्रद्धाची कामगिरी अद्वितीय अशा स्वरूपाची आहे. साहित्य अकादमी पुरस्कार विजेत्यांचा मी राज भवनात सत्कार ठेवला होता. पण त्या सत्काराला श्रद्धा येऊ शकत नसल्यामुळे मी स्वतः तिच्याकडे आलो आणि तिचा सत्कार केला. हे मी माझे भाग्य समजतो असे त्यांनी सांगितले.
श्रद्धा हिच्या उपचारासाठी राज्यपाल पिल्ले यांनी राज्यपाल निधीतून तिला एक लाख रुपयांची मदतही जाहीर केली. श्रद्धा गरड हिच्या 'काव्य परमळ' या कविता संग्रहाला यंदाचा साहित्य आकादमीचा युवा साहित्यिक पुरस्कार (Award) प्राप्त झाला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
