निवृत्ती शिरोडकर
मोरजी पंचायत क्षेत्रातील तेंबवाडा समुद्रकिनारी भागात कासव संवर्धन मोहीम मोठ्या प्रमाणात राबविली जाते. गेल्या वर्षी ५२ सागरी कासवानी अंडी घातली होती. यंदाच्या हंगामात एकूण 69 सागरी कासवांनी 5,703 अंडी घातली. त्यातून 3,842 पिल्लांना यशस्वीपणे वन्य विभागाने समुद्रात सोडले.
कासव संवर्धन मोहिमेअंतर्गत सरकारने मोरजी व आश्र्वे-मांद्रे हे दोन किनारे संवेदनशील जाहीर केले असतानाही यंदा मोठ्या प्रमाणात या परिसरात ध्वनिप्रदूषण झाले होते. तरीही यंदा पर्यटन हंगामात आणि कासव हंगामात एकूण 69 सागरी कासवांनी अंडी घातली. गेल्या वर्षीच्या तुलनेत यंदा सागरी कासवांमध्ये वाढ झाली.
मोरजी पंचायत क्षेत्रात 1997 सालापासून कासव संवर्धन मोहीम राबविली जाते. तत्कालीन मुख्यमंत्री मनोहर पर्रीकर यांनी कासव संवर्धन मोहिमेसाठी वन्य विभागाला एकूण ५०० चौरस मीटर जमीन आरक्षित करून दिली होती.
सागरी कासवांनी घातलेली अंडी...
2020 ते 2021 साली 24 कासवांनी 3,496 अंडी घातली. त्यातून 1,674 पिल्ले समुद्रात सोडली.
2022 साली 69 सागरी कासवांनी 5, 703 अंडी घातली. त्यातून 3,842पिल्ले समुद्रात सोडली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.