Goa News : गोव्यात परप्रांतीय कामगारांना मिळणार 'ओळख', अशी आहे योजना

Goa News : गेल्या पाच वर्षांत राज्यातील गुन्हेगारी वाढत आहे. 2021 च्या तुलनेत 2022 मध्ये खून, बलात्कार व रस्ता अपघातांत वाढ झाली असल्याची माहिती समोर आली आहे. दरम्यान या घटनांमध्ये गोव्याव्यतिरिक्त परप्रांतीयांकडून केलेल्या गुन्ह्यांची आकडेवारी हि जास्त आहे.

राज्यात गुन्हेंगारीची दिवसेंदिवस वाढ होत असल्याच्या पार्श्वभूमीवर गोवा पोलिसांनी विविध भागात वास्तव्य करून असलेल्या परप्रांतीय कामगारांची कसून तपासणी सुरु केली होती.

दरम्यान परप्रांतीय कामगारांची माहिती प्राप्त व्हावी यासाठी सरकार लवकरच एक योजना सुरु करणार आहे. याबाबतची माहिती दक्षिण गोव्याचे पोलिस अधीक्षक अभिषेक धानिया यांनी दिली.

"सरकार परप्रांतीयांसाठी लवकरच कामगार कार्ड योजना सुरु करणार आहे. याद्वारे राज्यात कामाला येणाऱ्या कामगारांना हे कार्ड देण्यात येणार आहे. जेणेकरुन त्यांच्याविषयी सर्व तपशीलवार माहिती ठेवण्यास प्रशासनाला मदत होणार आहे."

"कार्डच्या मदतीने कामगारांची माहिती उपलब्ध होण्याबरोबरच त्यांच्या कल्याणाच्या योजना त्यांच्यापर्यंत पोहचू शकतील" अशी माहिती दक्षिण गोव्याचे पोलिस अधीक्षक अभिषेक धानिया यांनी दिली.