National Games Goa 2023: हॉकीत झारखंडकडून यजमान गोव्याचा पराभव

National Games Goa 2023: गोव्यात आयोजित 37व्या राष्ट्रीय खेळ 2023 मधील हॉकी स्पर्धा सोमवारपासून सुरू झाली. 7 नोव्हेंबरपर्यंत खेळल्या जाणाऱ्या या स्पर्धेत आज हॉकी झारखंडच्या महिला संघाने यजमान गोव्याचा 4-0 असा पराभव केला. पेडे, क्रीडा संकुलातील हॉकी मैदानावर हा सामना रंगला.

झारखंड संघासाठी अलबेला राणी टोप्पो, अलका डुंगडुंग, निशा मिंज आणि दीप्ती टोप्पो यांनी प्रत्येकी एक गोल केला. झारखंड संघाच्या पहिल्या विजयाबद्दल हॉकी झारखंड, क्रीडा विभाग आणि झारखंड ऑलिम्पिक संघटनेच्या सर्व अधिकाऱ्यांनी अभिनंदन केले आहे.

झारखंडचा संघ स्पर्धेत सातत्याने चांगली कामगिरी करून विजेता ठरेल, अशी आशा संघाचे प्रशिक्षक आणि खेळाडुंनी व्यक्त केली आहे.

पदक टेबल

राष्ट्रीय क्रीडा स्पर्धेत आत्तापर्यंत सुवर्ण ४५, रौप्य ३१ आणि कास्य ३२ अशी एकूण १०८ पदकांसह महाराष्ट्र अव्वल स्थानी आहे. त्या खालोखाल हरियाणा सुवर्ण १८, रौप्य १२ आणि कास्य १५ अशी एकूण ४५ पदकांसह दुसऱ्या स्थानी आहे.

तर, गोव्याने सुवर्ण २, रौप्य ५ आणि कास्य २१ अशी एकूण २८ पदकांची कमाई केली आहे.