Goa: शेकडो वर्षापूर्वीचे झाड कोसळून अपघात, चार तासांपासून कारमध्ये अडकली महिला; तिघांना बाहेर काढण्यात यश

गोव्यात गेल्या आठवड्यांपासून मुसळधार पावसामुळे अनेक पडझडीच्या घटना घडत आहेत. डिचोलीत जुन्या बसस्थानकावर रविवारी शेकडो वर्षापूर्वीचे वडाचे झाड कारवर कोसळून अपघात झाला.

कारमध्ये असलेल्या चारपैकी तीन जणांना वाचविण्यात यश आले असून, आणखी एका महिलेला तीन तासांपासून बाहेर काढण्याचे प्रयत्न सुरु आहेत.

डिचोली जुना बसस्थानकावर सायंकाळच्या सुमारास ही घटना घडली. वडाचे झाड जुने असून ते हटविण्यासाठी शर्थीचे प्रयत्न सुरु आहेत.

राज्यात गेल्या आठवड्यापासून मुसळधार पाऊस सुरु असून, अनेक ठिकाणी पडझडीच्या घटना घडत आहेत.

हवामान खात्याने सोमवारी (१५ जुलै) पावसाचा रेड अलर्ट जारी केला असून, नागरिकांना सतर्कतेचा इशारा देण्यात आला आहे.