Women Drone Training : महिलांना ड्रोन हाताळणीसाठी प्रशिक्षण

Women Drone Training : पणजी, स्वयंसहाय्य गटातील महिलांना ड्रोन हाताळणीबाबत प्रशिक्षण देण्याचा उपक्रम उसगाव येथे आरोग्यमंत्री विश्वजित राणे यांच्या पुढाकाराने सुरू झाला आहे. विकसित भारत यात्रेचे काल उसगाव येथे आगमन झाले.

त्यावेळी राणे यांच्या हस्ते या उपक्रमाचे उद्‍घाटन करण्यात आले. यावेळी प्रशिक्षकांकडून ड्रोन हाताळणीबाबत मार्गदर्शन करण्यात आले.

राणे यांनी यावेळी सांगितले, की महिला बचत गटांना बळकटी देण्याचा प्रयत्न आहे. यासाठी पंतप्रधान महिला किसान ड्रोन केंद्राची सुरवात कऱण्यात आली आहे. देश विकसित राष्‍ट्र करण्यासाठी याची आवश्यकता आहे.

हा उपक्रम विशेषत: स्वयं-सहायता गटांना ड्रोनच्या ऑपरेशनमध्ये सर्वसमावेशक प्रशिक्षण देण्यासाठी तयार करण्यात आला आहे. महिलांना सक्षम करण्यासाठी पंतप्रधान नरेंद्र मोदी यांची वचनबद्धता या धोरणात्मक उपक्रमांद्वारे मूर्त वास्तव बनत आहे.

जनऔषधी केंद्र उद्‌घाटन

‘मोदी की दवा वाली दुकान’ या नावाने ओळखल्या जाणाऱ्या जनऔषधी केंद्राचे उद्‍घाटन उसगाव येथे करण्यात आले, जे सर्वांसाठी सुलभ आरोग्य सेवा उपायांचे समर्थन करते, जिथे स्वस्त औषधे सहज उपलब्ध आहेत.

आम्हाला आमच्या पंतप्रधान मोदी यांची दृष्टी तळागाळापर्यंत पोहोचवायची आहे आणि प्रत्येक व्यक्तीला या उपक्रमांचा लाभ मिळावा हे सुनिश्चित करायचे आहे.