म्हापसा: रस्त्यावरील कचरा तसेच भंगार वेचण्याच्या बहाण्याने दिवसाढवळ्या चार महिलांनी फेअर आल्त-म्हापसा येथे एका घरात घुसून जुन्या मौल्यवान वस्तू चोरण्याचा प्रयत्न केला. मात्र, घरातील कुटुंबीयांनी प्रतिकार करून या महिलांचा चोरीचा डाव उधळला.
यातील एका महिलेला रंगेहाथ पकडण्यात आले, तर तीन महिलांनी घटनास्थळावरून पळ काढला. संबंधित संशयित महिलेला पोलिसांच्या हवाली करण्यात आले, असून तिला रितसर अटक केली आहे.
फेअर आल्त, म्हापसा येथे घरात कोणी नसल्याची संधी साधून चोरीच्या उद्देशाने चोरीचा प्रयत्न करणाऱ्या कचरा वेचणाऱ्या महिलांचा डाव उधळल्याची घटना मंगळवारी (ता.१६) सायंकाळी ४.३० च्या सुमारास उघडकीस आली.
यातील एका महिलेला घराच्या मागील बाजूस असलेल्या संबंधित कुटुंबीयांनी शिताफीने रंगेहाथ पकडले. मात्र, इतर तीन महिलांनी घटनास्थळावरून पळ काढला. या सर्व महिलांच्या हातात पेचकस (स्क्रू-ड्रायव्हर) होते. तसेच त्यांनी आपले चेहरे कपड्याने झाकले होते.
घराच्या समोरच्या बाजूने कोणीतरी आल्याची चाहुल लागताच घराच्या मागील बाजूला असलेल्या कुटुंबातील सदस्यांनी समोर येऊन पाहिले. तेव्हा चार अनोळखी महिला घरात घुसल्या असून त्या घरातील जुन्या मौल्यवान वस्तू चोरण्याचा प्रयत्न करत असल्याचे उघडकीस आले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
