मडगाव : भाजपच्या राज्यांमध्ये महिला सुरक्षित नाहीत, हे सध्या महिला कुस्तीगिरांना जी वागणूक मिळते, त्यावरून सिद्ध होते. ज्या महिलांनी देशाचे नाव उज्ज्वल केले, त्यांच्यासोबत पंतप्रधान नरेंद्र मोदी फोटो काढत होते, त्याच मोदींना आता त्यांच्या कार्यालयापासून ४० मिनिटांच्या अंतरावर जंतर-मंतर मैदानावर जाऊन त्यांची कैफियत ऐकून घेण्यास वेळ नाही, अशी तिखट प्रतिक्रिया काँग्रेसचे माजी प्रदेशाध्यक्ष गिरीश चोडणकर यांनी व्यक्त केली.
सध्या जंतर-मंतर मैदानावर आंदोलन करणाऱ्या मल्लांना न्याय मिळावा, यासाठी आज विविध राजकीय पक्षांचे कार्यकर्ते आणि नागरिकांनी मडगाव लोहिया मैदानासमोर मेणबत्ती मोर्चा काढला. यात ‘आप’चे आमदार वेंझी व्हिएगस, क्रुझ सिल्वा, महिला नेत्या सिसिल रॉड्रिग्स, प्रतिमा कुतिन्हो, वाल्मिकी नाईक, समाज कार्यकर्ते शंकर पोळजी, रामा काणकोणकर तसेच मान्यवर उपस्थित होते.
प्रतिमा कुतिन्हो यांनी, महिला मल्लांना लवकर न्याय द्यावा आणि कुस्ती महासंघाचे अध्यक्ष ब्रिजभूषण यांच्यावर त्वरित कारवाई करावी, अशी मागणी केली.
स्मृती इराणींवर शरसंधान
यावेळी सिसिल रॉड्रिग्स यांनी केंद्रीय महिला व बालकल्याण मंत्री स्मृती इराणी यांच्यावर हल्लाबोल करताना, त्यांना गोव्यात येऊन खासगी कार्यक्रमाचे उदघाटन करण्यास वेळ आहे; पण जंतर-मंतरवर जाऊन त्या मल्लांचे म्हणणे ऐकून घेण्यास वेळ नाही ही शोकांतिका आहे, असे मत व्यक्त केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
