ओबीसी महासभा 'या' उमेदवारांना देणार समर्थन

अखिल भारतीय ओबीसी महासभेने राज्यातील काही मतदार संघात ओबीसी उमेदवार निवडून येण्याची शक्यता पडताळून पाहिली आहे, ते कोणत्याही पक्षाचे उमेदवार असले तरी त्यांची जिंकण्याची क्षमता बघून त्यांना समर्थन देण्यात येणार आहे. प्रामुख्याने काणकोण, शिवोली, पेडणे, शिरोडा, नावेली, मडगाव या मतदारसंघाचा समावेश आहे.

अखिल भारतीय ओबीसी (OBC) महासभा काही मतदार संघातील विजयाची खात्री असलेल्या उमेदवारांना समर्थन देणार असल्याची घोषणा आज महासभेचे अध्यक्ष शशीकांत घाडी यांनी आज काणकोणात पत्रकार परिषद घेऊन केली.

काणकोणमधून कॉंग्रेसचे (Congress) उमेदवार जनार्दन भंडारी यांना अखिल गोवा ओबीसी महासभेने समर्थन देण्याचे ठरवले असल्याचे सांगितले. यावेळी महासभेचे राज्य समन्वयक पंकज नमशीकर तसेच संतोष आखाडकर, रेंदर संघटनेचे अध्यक्ष रेमी बोर्जीस, शंभू नाईक, उमेश नास्नोडकर, रोहीदास मडगावकर, शंकर नाईक व अन्य उपस्थथि होते. गेल्या दोन वर्षात महासभेनेे वेेगवेळ्या मागणीची एकोणीस निवेदने सरकारला (Government) दिली. मात्र, त्याला मुख्यमंत्र्यांसहीत राज्यपालांनी प्रतिसाद दिला नाही. त्यासाठी ओबीसीचा बुलंद आवाज विधानसभेत पोचण्यासाठी ओबीसीचे आमदार (MLA) विधानसभेत पोचणे गरजेचे आहे. हे लक्षात घेऊन हा निर्णय घेण्यात आला असल्याचे त्यांनी सांगितले.