Goa Rain Update: चार दिवस ऑरेंज अलर्ट; पावसाची शतकी खेळी

राज्यात ४ जूनपासून सुरवात झालेल्या मॉन्सूननंतर अवघ्या ४६ दिवसांत पावसाने इंचांचे शतक पार केले. आतापर्यंत २५१८ मिमी म्हणजेच ९९.१३ इंच पावसाची नोंद केली आहे. मात्र, शनिवारी राज्यात पडलेल्या पावसाचे प्रमाण याला जोडल्यास राज्यात पावसाने निश्‍चितपणाने शतक पार केले आहे.

राज्यात सामान्य पावसाच्या तुलनेत तब्बल ५७.२ टक्के अधिक पाऊस राज्यात बरसला आहे. पुढील चार दिवस राज्यात ऑरेंज अलर्ट जारी करण्यात आला आहे. गेल्या २४ तासांत राज्यात ५५ मिमी म्हणजेच २.१६ इंच पावसाची नोंद केली.

पेडण्यात सर्वाधिक ८८.४ मिमी पाऊस नोंदविला. त्याखालोखाल काणकोण ८४.२ मिमी, वाळपई ७२.५ मिमी, साखळी ६५.६ मिमी, म्हापसा ६१ मिमी, दाबोळी ५२.४ मिमी, सांगे ५०.५ मिमी, जुने गोवे ५२ मिमी, मुरगाव ४५.६ मिमी, फोंडा ४२.४ मिमी, पणजी ४०.२ मिमी, केपे ४०.२ मिमी, मडगाव २९.२ मिमी पावसाची नोंद करण्यात आली.