Water Tanker Accident: कला अकादमीजवळील रस्त्यावर फुटले पाण्याच्या टॅंकरचे चाक; सुदैवाने जीवितहानी नाही

Water Tanker Accident: दररोज सुरूच असलेल्या अपघातांच्या घटनांमध्ये आणखी एक भर म्हणून पणजीच्या मुख्य रस्त्यावर एक ट्रकचा अपघात घडला आहे. कला अकादमीजवळील रस्त्यावर ही घटना घडली असून यामध्ये पाण्याच्या टॅंकरचे चाक फुटले.

एके ठिकाणी पाणी नेत असताना कला अकादमीच्या रस्त्यानजीक वॉटर टॅंकरचे चाक अचानक फुटले आणि त्याची रस्त्याच्या दुभाजकाला धडक बसली. यामुळे काही काळ वाहतूक थांबली होती. त्यानंतर नगर नियोजन खात्याला याची माहिती मिळताच सदर टॅंकर तिथून हटवण्यात आला.

सुदैवाने यामध्ये कोणतीही जीवितहानी झाली नसल्याचे सांगण्यात येत आहे.

दरम्यान, काल दुपारी अपघातामध्ये एकाचा मृत्यू झाला आहे. कारने दुचाकीला दिलेल्या धडकेत 21 वर्षीय युवकाचा मृत्यू झाला. पर्वरीत बुधवारी (दि.19) दुपारी 12 च्या सुमारास ही घटना घडली. अपघातात जखमी झाल्यानंतर युवकाला उपचारासाठी गोमेकॉत दाखल करण्यात आले पण डॉक्टरांनी त्याला मृत घोषित केले.

नहिम बशीर भंडारी (वय 21, रा. हाळीवाडा- बिठठोण) असे या अपघातात मृत झालेल्या युवकाचे नाव आहे.