भुईपाल गावात पाण्यासाठी वणवण, नागरिक त्रस्त

पिसुर्ले : होंडा पंचायत (Panchayat) क्षेत्रातील भुईपाल गावात गेल्या कित्येक दिवसांपासून सुरळीत पाणीपुरवठा होत नसल्याने नागरिकांची गैरसोय होत आहे, या गावात इतर कोणतेही पाण्याची व्यवस्था नसल्याने नागरिकांना पुर्ण पणे नळाच्या पाण्यावर अवलंबून राहावे लागत आहे.

गावातील नागरिकांना दाबोस येथिल पाणी (Water) पुरवठा प्रकल्पातून पाणी पुरविले जाते, त्यासाठी भुईपाल (Bhuipal) येथे भले मोठे जलकुंभ उभारण्यात आले आहेत, त्याठिकाणी पाणी साठवून विविध भागात वितरण केले जाते.

परंतू जलकुंभातून सोडण्यात येणाऱ्या पाण्याची जलवाहिनी गेल्या कित्येक दिवसांपासून नादुरुस्त होत असल्याने पाणी पुरवठा सुरळीत होत नाही. जलवाहिनीची दुरूस्ती एका खासगी कंत्राटदारामार्फत होत असल्याने ते काम हलक्या दर्जाचे होत आहे, त्यामुळे जलवाहिनी वारंवार फुटत असल्याचे नागरिकांचे म्हणणे आहे.

त्यामुळे गेल्या दोन दिवसांपासून या भागांत पाणी पुरवठा झाला नसल्याने नागरिकांची प्रचंड गैरसोय झाली असून, निवडणूक जवळ आली असल्याने पाणी पुरवठा सुरळीत होत नाही की काय असा प्रश्न नागरिक (citizens) उपस्थित करीत आहेत. सद्या पाणी पुरवठा खात्याच्या वतीने टॅक्कर पाठवून पाणी पुरवठा करण्याचे प्रयत्न होताना दिसत असले तरी मुबलक प्रमाणात पाणी मिळत नसल्याने नागरिकांनी नाराजी व्यक्त केली आहे.