Anjuna Water Crisis: मुसळधार पावसात हणजूण-कायसूवमध्‍ये पाणीटंचाई

शिवोली: राज्‍यात मुसळधार पाऊस सुरू असताना हणजूण-कायसूव पंचायत क्षेत्रात जोरदार पाणीटंचाई जाणवत आहे. तेथील समस्‍या जटिल असून, गेली सहा वर्षे या भागातील लोक समस्‍येच्‍या निराकरणासाठी शासन दरबारी पाठपुरावा करत आहेत.

लोकांना बोअरवेलच्‍या पाण्‍यावर अवलंबून राहावे लागत आहे. तसेच याच भागातील हॉटेल्‍समधील घाण पाणी नाल्‍यात सोडले जात आहे. प्रश्‍‍न गंभीर असून तो न सोडविल्‍यास बांधकाम कार्यालयावर मोर्चा काढू, असा इशारा संतप्‍त ग्रामस्‍थांनी दिला आहे.

आमदारांना वाकुल्‍या

उपरोक्‍त प्रश्‍‍न सुटावा म्‍हणून आमदार दिलायला लोबो यांनी अनेकदा अधिकाऱ्यांशी बोलणे केले आहे. परंतु, अंमल होऊ शकला नाही. याबाबत ग्रामस्‍थांनी नाराजी व्‍यक्‍त केली आहे.