डिचोली : धोकादायक अवस्थेत असलेल्या लामगावच्या माथ्यावरील खंदकातील पाणी उपसा करण्‍याचे काम लांबणीवर पडले आहे. येत्या एक-दोन दिवसांत हे काम मार्गी लागण्याची शक्यता आहे. दुसऱ्या बाजूने याबाबत सुरक्षेच्या दृष्टीने उपाययोजना संबंधित खाण कंपन्यांना करावी लागणार आहे. तशे निर्देशही प्रशासकीय यंत्रणेने या कंपन्यांना दिले आहेत.
आज सोमवारी पणजीत झालेल्या उच्चस्तरीय बैठकीत खंदकांची सद्य:स्थिती आणि सुरक्षेच्या दृष्टीने उपाययोजनांचा आढावा घेण्यात आला. प्रतिबंधात्मक उपाययोजनांची जबाबदारी संबंधित खाण कंपन्यांनी पेलावी, असे निर्देश या बैठकीत देण्यात आले. यावर खाण खात्याचे नियंत्रण राहणार आहे. आवश्यकतेनुसार जलसंसाधन खात्याकडून सहकार्य करण्यात येणार आहे.
दरम्‍यान, लामगाव खंदकातील पाण्याचा उपसा आजपासून करण्यात येईल अशी अपेक्षा होती. मुख्यमंत्री डॉ. प्रमोद सावंत यांनी तसे संकेतही दिले होते. मात्र आजच्या उच्चस्तरीय बैठकीमुळे हे काम लांबणीवर पडले आहे. आता हे काम कधी सुरू होतेय, त्यायाकडे लामगावसह डिचोलीतील जनतेचे लक्ष लागून राहिले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
