Fatorda Water Supply : फातोर्डात पाण्याची पाईपलाईन बदलण्याच्या कामाला सुरवात ; विजय सरदेसाई

सासष्टी : फातोर्डा येथील प्रभाग 2 व 3 मध्ये पाण्याच्या जुन्या पाईपलाईन बदलण्याच्या कामाला सुरवात झाली. फातोर्डाचे आमदार विजय सरदेसाई यांनी सांगितले की, 900 मीटर पाईपलाईन बदलण्याच्या तीन कामांसाठी 23 लाख रुपये खर्च करण्यात येणार आहे. सार्वजनिक बांधकाम खात्यामार्फत जुने जीआय पाईप बदलून त्याजागी मोठे पीव्हीसी पाईप घातले जाणार आहेत.

फातोर्डा मतदारसंघातील विकासकामांचे पूर्वीच नियोजन करण्यात आले होते. मूलभूत सुविधा उपलब्ध करणे, सिवरेज पाईपलाईन, वीजपुरवठा यासारखी कामे पूर्ण झालेली असून सद्या केवळ त्यात सुधारणा करण्याचे काम सुरू असल्याचे सरदेसाई यांनी सांगितले.

याप्रसंगी माजी नगराध्यक्ष व प्रभाग 3 चे नगरसेवक लिंडन परेरा, 2 चे नगरसेवक जॉनी क्रास्तो, नगरसेवक पूजा नाईक, राजू नाईक व नागरिक मोठ्या संख्येने उपस्थित होते.

लोकांना स्वच्छ पाणीपुरवठा करण्यासाठी चांगल्या पाईपलाईनची आवश्यकता आहे. मतदारसंघातील प्रत्येक नागरिकाला पाणी मिळावे यासाठी आमचे प्रयत्न आहेत. मात्र, मुख्यमंत्री डॉ. प्रमोद सावंत गोव्याचे पाण्याचे स्रोत कर्नाटकला देण्याच्या प्रयत्नात आहेत.

- विजय सरदेसाई, आमदार, फातोर्डा मतदारसंघ