Goa Dam: आंबे धुलै बंधाऱ्याचे पाणी प्लेट्‌स घालून अडविले

‘पाणी अडवा पाणी जिरवा’ योजनेखाली 192 प्लेट्स घालून आंबे धुलै येथील बंधाऱ्याचे दीड लाख क्युबिक मीटर पाणी अडवलेले आहे. या परिसरातील शेतकऱ्यांना त्याचा पूर्णपणे फायदा होईल. या परिसरात असलेल्या विहिरीत मोठ्या प्रमाणात पाणी साचणार असल्याचे साहाय्यक अभियंता सदानंद नाईक यांनी सांगितले.

खांडेपार नदीत एकूण 14 बंधारे आहेत. त्यापैकी ओकांब, शिग्नेव्हाळ, कुंभारवाडा आंबे, धावकोंड, तातोडी, कोडली, माटोजेवाडा, वेळीपवाडा, शिगाव, बिंबल, कुळे एक व कुळे दोन असे बंधारे ‘पाणी आडवा पाणी जिरवा’ या योजनेखाली बांधलेले आहेत. खांडेपार नदीत असलेल्या सर्वही बंधाऱ्यांत प्लेट्स घालण्यात आलेले आहेत. सर्व बंधाऱ्यांचे अडवलेले एकूण 28 लाख क्युबिक मीटर पाणी तुंबलेले आहे. अडवलेल्या पाण्यामुळे त्या त्या परिसरातील जमीन आतून थंडगार होत असते. त्याचा पुरेपूर फायदाही शेतकऱ्यांना होत आहे. ‘पाणी अडवा पाणी जिरवा’ योजनेखाली घालण्यात आलेल्या बंधाऱ्यामुळे पाण्याच्या कमतरतेवेळी ओपा प्रकल्पाला पुरेसे पाणी मिळत आहे.

खांडेपार नदीत एकूण 14 बंधारे आहेत. त्यापैकी ओकांब, शिग्नेव्हाळ, कुंभारवाडा आंबे, धावकोंड, तातोडी, कोडली, माटोजेवाडा, वेळीपवाडा, शिगाव, बिंबल, कुळे एक व कुळे दोन असे बंधारे ‘पाणी आडवा पाणी जिरवा’ या योजनेखाली बांधलेले आहेत. खांडेपार नदीत असलेल्या सर्वही बंधाऱ्यांत प्लेट्स घालण्यात आलेले आहेत.

सर्व बंधाऱ्यांचे अडवलेले एकूण 28 लाख क्युबिक मीटर पाणी तुंबलेले आहे. अडवलेल्या पाण्यामुळे त्या त्या परिसरातील जमीन आतून थंडगार होत असते. त्याचा पुरेपूर फायदाही शेतकऱ्यांना होत आहे. ‘पाणी अडवा पाणी जिरवा’ योजनेखाली घालण्यात आलेल्या बंधाऱ्यामुळे पाण्याच्या कमतरतेवेळी ओपा प्रकल्पाला पुरेसे पाणी मिळत आहे.

नागरिकांनी सावधानता बाळगावी...

खांडेपार नदीत 14ही बंधाऱ्यांना प्लेट्स घालून पाणी अडविल्याने पाण्याची पातळी वाढलेली आहे. नागरिकांनी अंघोळ किंवा कपडे धुण्यासाठी जाताना सावधगिरी बाळगावी. तसेच लहान मुलांनी वाढलेल्या पाण्याच्या पातळीपासून दूर राहावे, असे आवाहनही साहाय्यक अभियंता सदानंद नाईक यांनी केले.