Bicholim : धबधबा खाण खंदकातील पाणीउपसा सुरू

नागरिक निश्‍चिंत : परिसरातील नदीत सोडले जात आहे पाणी
खाण खंदक
खाण खंदक Dainik Gomantak

डिचोली : लामगाव येथील खाण खंदक असुरक्षित बनले असतानाच, शहराला टेकून असलेल्या धबधबा येथील खाण खंदकातून मात्र पाणीउपसा सुरू करण्यात आला आहे. पूर्वीप्रमाणेच या खाण खंदकातील पाणी तेथीलच नदीत सोडण्यात येत आहे. धबधबा येथील खाण खंदकातून पाणी उपसा सुरू असल्याने परिसरातील नागरिक सध्या तरी निश्‍चिंत आहेत.

लामगाव येथील खंदकापासून जवळपास दोन किलोमीटर अंतरावर गावकरवाड्यापासून जवळच धबधबा परिसरात असलेले खाण खंदक डिचोलीतील एक मोठे खंदक आहे. गेल्या जवळपास दहा वर्षांपासून ऊन-पावसात मिळून नियमितपणे या खंदकातील पाणी बाहेर म्हणजेच धबधबा परिसरातील नदीत सोडण्यात येत आहे.

खाण खंदक
Bicholim Fish Market : परप्रांतीय सुकी मासळीविक्रेत्‍यांची संख्‍या वाढली

त्यासाठी सारमानस रस्त्याच्या खालून मोठे पाईपही घालण्यात आले आहेत. मात्र, गेल्यावर्षी खाणी सरकारच्या ताब्यात आल्यानंतर गेल्या काही महिन्यांपासून या खाण खंदकातील पाणी बाहेर सोडणे बंद होते. खाण खंदकातील पाणी बाहेर सोडणे कधीपासून बंद झाले, त्याची माहिती मिळाली नाही.

खाण खंदक
Bicholim News : तीस वर्षांच्या खंडानंतर सर्वण नदीत ‘काळे खुबे’!

लामगाव खंदकावर उपाययोजना

लामगाव येथील खाण खंदकावर सुरक्षेच्यादृष्टीने प्रतिबंधात्मक उपाययोजना हाती घेण्याच्या दृष्टीने कंपनी व्यवस्थापनाने हालचाली सुरू केल्या आहेत. येत्या आठवड्यात हे काम मार्गी लागणार असल्याची माहिती सूत्रांकडून मिळाली आहे. खाण खंदकाच्या मातीचा भराव खचला असून, काही ठिकाणी मातीही कोसळलेली आहे. हे खाणखंदक असुरक्षित असले, तरी खंदकातील पाणी उपशाचे काम सुरू करण्यात आले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com