पणजी: गोव्यातील हॉटेल मालकीणीवर बलात्कार करणाऱ्या आरोपी वेटरला दहा वर्षे सश्रम कारावासाची शिक्षा सुनावण्यात आली आहे. हडफडे, मायणा – भाटी येथील हॉटेलमध्ये डिसेंबर २०१९ मध्ये ही घटना घडली होती. पणजीतील फास्ट ट्रॅक कोर्टाने हा निर्णय दिला आहे.
लालरिनुंगा लालफाकझुला (रा. आयजावाल, मिझोरम) असे शिक्षा सुनावलेल्या आरोपीची नाव आहे. त्याला दहा वर्षे सश्रम कारावासाची शिक्षा ठोठावण्यात आली आहे.
बांद्रा, मुंबई येथील ६५ वर्षीय महिलेचा मायणा – भाटी येथे हॉटेलचा व्यवसाय आहे. या हॉटेलात लालरिनुंगा वेटर कामास होता. १८ डिसेंबर २०१९ रोजी दुपारी दोनच्या सुमारास वेटरने हॉटेल मालकीणीला धमकावून महिलेवर जबरदस्तीने बलात्कार केला. यानंतर महिलेच्या तोंडावर उशी ठेऊन जीवे मारण्याची धमकी दिली.
याप्रकरणी तक्रार दाखल झाल्यानंतर हणजूण पोलिसांनी ३४२, ५०६ (ii), ३७६, ३०७ अंतर्गत गुन्हा नोंद करुन तपासास सुरुवात केली. पोलिसांनी तत्काळ आरोपी लालरिनुंगाला अटक केली. पोलिसांनी सखोल तपास करुन आरोपीविरोधात आरोपपत्र दाखल केले. न्यायालयात त्याच्यावरील आरोप सिद्ध झाले असून, त्याला दहा वर्षे सश्रम कारावासाची शिक्षा सुनावण्यात आली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.