Volleyball Tournament : व्हॉलिबॉल स्पर्धेत हेडगेवार विद्यामंदिर विजेते

Volleyball Tournament : डिचोली, १७ वर्षांखालील डिचोली तालुकास्तरीय मुलींच्या व्हॉलिबॉल स्पर्धेत साखळी येथील डॉ. के. ब. हेडगेवार विद्यामंदिराने विजेतेपद पटकावले. हे विद्यालय आता जिल्हास्तरीय स्पर्धेसाठी पात्र ठरले आहे.

गोवा क्रीडा व युवा व्यवहार खात्यातर्फे आयोजित ही स्पर्धा पर्ये-सत्तरी येथील भूमिका मैदानावर पार पडली. विजयी संघात अन्वेषा गावस, वैष्णवी धावस्कर, सान्वी धावस्कर, ईशा सुर्लकर, अनामिका देसाई, विहा राणे सरदेसाई, अनन्या मिशाळ, वर्धा वळवईकर, ख़ुशी गावस, रिया गावस आणि शर्वरी गावस यांचा समावेश होता.

शारीरिक शिक्षक जय खर्बे यांचे विद्यार्थ्याना मार्गदर्शन लाभले. मुख्याध्यापक सदानंद मिशाळ, व्यवस्थापन समिती आणि पालकांनी विद्यार्थ्यांच्या या यशाचे कौतुक केले आहे. त्‍यांच्‍यावर अभिनंदनाचा वर्षाव सुरू आहे.