कुचेली म्हापश्या वाठारांत कर्नाटकांतल्या एका गाडयेक भिरांकूळ आपघात
आयज फातोडेर चारांक कुचेली म्हापश्या वाठारांत कर्नाटकांतल्या एका गाडयेक भिरांकूळ आपघात जालो. गाडयेचो ताबो गेल्ल्यान गाडयेन नेटान झाडाक धपको दिलो. ह्या अपघातान तीग जाण जाग्यारुच सोंपले. जाल्यार एक गंभीर जखमी स्थितांत आसा. मरण आयिल्ल्याचीं नांवां अशीं नगर अनगोळकर, रोहन गदग, सनी अणवेकर, ह्या तीग जाणांक आगताक मरण आयलें. जाल्यार विशाल कारेकार हो तरणाटो जखमी जालो ताका उपचारा खातीर G.M.C'त दाखल केला. हे सगळें तरणाटे मूळ बेळगांवचें आशिल्लें. हालींसाराक अपघातांचें प्रमाण खुब वाडला. सरकाराक विचारल्यार सरकार सांगता हाचेर किदें तरी तोडगो काडटले.. पुण केन्ना ??? असो प्रस्न गोयकारांक पडला
पॅत्रॉल आनी डिझेलाचें मोल सवाय जालां
म्हार्गायेन बेंजारिल्ल्या लोकांक मातशी थकाय मेळ्ळा. केंद्रीय अबकारी कर उणो केल्ल्यान पॅत्रॉल आनी डिझेलाचें मोल सवाय जालां. पॅत्रॉल 9.50 रुपयांनी जाल्यार डिझेल 7 रुपयांनी सवाय जालां. उत्तर गोंयान पॅत्रॉल 97.90 रुपया जाला जाल्यार दक्षिण गोंयान 97.75 रुपया जाला. तशेंच उत्तर गोंयान डिझेल 90.44 जाला जाल्यार दक्षिण गोंयान 90.29 रुपया जाला. पॅत्रॅाल आनी डिझलाचेर अबकारी कर कमी करपाच्या सरकाराचे ह्या निर्णयाक लागुन केंद्राच्या तिजोरेक 1 लाख कोटी रुपयांचो फटको बसतलो आतां राज्यांनीय पॅत्रॉल आनी डिझेला वयलो कर उणो करचो अशी आस्त केंद्र सरकारान उक्तायल्या. केंद्र सरकारान घरगुती एलपीजी सिलेंडराचेरुय 200 रुपयांचें अनुदान दिवपाचो निर्णय घेतला. ताका लागून आतां सिलेंडराचें मोल 200 रुपयांनी उणें जालां. हें अनुदान वर्सभरांतल्या 12 सिलेंडराचेर दितलें. हें मोल रोखडेंच लागू करतलें. केंद्रीय अर्थमंत्री निर्मला सीतारमण हांणी ही घोशणा केल्या. हाचो फायदो 9 कोटी उज्ज्वला येवजण धारकांक जातलो. ते खातीर केंद्राक दरवर्सां सुमार 6,100 कोटी रुपयांचो फटको बसतलो.
गोंय उच्च शालांत शिक्षण मंडळान 12 वेच्या परिक्षेचो निकाल केला जाहीर
गोंय उच्च शालांत शिक्षण मंडळान 12 वेच्या परिक्षेचो निकाल जाहीर केला. 18 हजार112 विध्यार्थ्यां भितरले 16,112 विद्यार्थी परिक्षेंत पास जाल्यात. गोंयच्या चलयांनी परत एक फावट चल्यांक फाटी उडोवन 94.57 टक्के चलयां हे फावटी पास जाल्या. हे फावट 50 टक्के अभ्यासक्रमाची एक परिक्षा आनी निमणी परिक्षा उरिल्ल्या 50 टक्के अभ्यासक्रमाची घेतिल्ल्यान विद्यार्थ्यांक परिक्षा सोपी गेल्ल्याचे गोंय उच्च शालांत शिक्षण मंडळान सांगले
विश्वजीत राणे हांची विरोधी पक्ष फुडारी मायकल लोबोचेंर अप्रत्यक्षपणान टीका
हडफडेच्या ओडीपीत बिगर शेतकी जमनीचें झोन बदल्ला अशे नगर नियोजन मंत्री विश्वजीत राणेन म्हणून विरोधी पक्ष फुडारी मायकल लोबोचेंर अप्रत्यक्षपणान आपल्या ट्विटरांतल्या टीका केल्या. एका एनजीओच्या कागाळीचो उल्लेख करून अधिसुचीत ओडीपीन शेतकी जमनी वस्ती वा उद्देगीक वाठार म्हूण दाखयला.हे सगळे गोंय शेतकी भाडेपट्टी कायदो आनी गोंय जमनी वापर कायदो1991 नेम मोडून केल्यात अशें राणे हांणी म्हणला.
मायनिंग पीटातले उदक उसपुपाचे काम सुरू
मायनिंग पीटातले उदक उसपुपाक सुरू जाला. पिसुर्ले उपरांत आता सोमारा बिचोलच्या मायनिंग पीटातल्यान उदक काडपाचे काम सुरू करतले अशी म्हायती मुख्यमंत्री दोतोर प्रमोद सावंत हांणी दिला. कांय वेचीक 2 ते 3 मायनिंग पीटा सोडून हेर पीटातले उदक उसपप सहज शक्य आसा अशी म्हायती आपणाक जलस्त्रोत खात्याच्या अधिकाऱ्यांकडल्यान मेळ्या अशे मुख्यमंत्र्यान म्हणला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
