![Chorla Ghat Traffic:](http://media.assettype.com/dainikgomantak%2F2023-09%2F96567b69-469e-49c9-89a0-4f999afc016d%2Fkankumbi_rasta_roko.png?w=480&auto=format%2Ccompress&fit=max)
Chorla Ghat Traffic: वारंवार अर्ज, विनंत्या करून, निवेदने देऊनही चोर्ला घाटातील रस्त्याची दुरूस्ती न केल्याने संतप्त झालेल्या कणकुंबीतील ग्रामस्थांनी सोमवारी, 4 सप्टेंबर रोजी रास्ता रोको केला. या रास्ता रोकोमध्ये महिलांचा सहभागही मोठा होता.
दरम्यान, राष्ट्रीय महामार्ग प्राधिकरणने तीन दिवसांमध्ये हा रस्ता दुरूस्त करण्याचे आश्वासन दिल्यानंतर ग्रामस्थांनी हे आंदोलन मागे घेतले आहे.
तथापि, आज, सोमवारी अचानक करण्यात आलेल्या या रास्ता रोकोमुळे चोर्ला घाटातील वाहतूक ठप्प झाली होती. अनेक वाहनधारकांना घाटातच खोळंबून राहावे लागले. गोव्यातून चोर्ला घाटमार्गे बेळगावकडे जाणाऱ्या गाड्या बराच काळ चोर्ला घाटातच अडकून पडल्या होत्या. त्यामुळे येथील वाहतूक विस्कळीत झाली होती.
सरकारने दखल न घेतल्याने रास्ता रोको करण्याची वेळ आली आहे. रस्ता चांगला नसल्याने वाहतुकीस वेळ लागतो, आर्थिक नुकसानही होत असल्याचे ग्रामस्थांनी यावेळी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.