मडगाव : विरोधकांना सामोरे जाण्यासाठी सरकार घाबरत असल्यामुळे कोविडच्या (Covid -19) नावाखाली 10 दिवसांचे अधिवेशन 3 दिवसांचे करण्याचा निर्णय जरी घेण्यात आला असला तरी या तीन दिवसात आम्ही सरकारचे (Government) वाभाडे काढूच असे गोवा फॉरवर्ड पक्षाचे (Forward party) विधिमंडळ प्रमुख विजय सरदेसाई (Vijay Sardesai) यांनी म्हटले आहे.
वास्तविक हे अधिवेशन 10 दिवसांचे असणे आवश्यक होते. या पूर्वी 24 मार्च ते 16 एप्रिल असे 13 दिवसांचे जे अधिवेशन बोलाविले होते. ते तीन दिवसात आटोपते घेतल्यानंतर त्यावेळी उरलेले 10 दिवसांचे अधिवेशन 17 जुलै पासून घेतले जाणार असे सांगितले होते. मात्र त्यानंतर सरकारने केवळ सोपस्कार पूर्ण करण्याच्या इराद्याने ते आता तीन दिवसांवर आणले आहे. असे करताना सत्ताधारी पक्षाने कुठलाही निर्णय घेताना निदान विरोधकांचे म्हणणे तरी ऐकून घेतले पाहिजे हे लोकशाहीचे संकेत आहेत तेही गुंडाळून ठेवले असा आरोप त्यांनी केला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
