Vijai Sardesai: फातोर्डातील अंबाजी येथे शनिवारी सडलेल्या अवस्थेतील मानवी हात सापडला होता. या प्रकारामुळे परिसरात खळबळ उडाली होती. पोलिसांनी घटनास्थळी धाव घेत, हा हात ताब्यात घेत फॉरेन्सिकसाठी पाठवला होता.
दरम्यान, स्थानिक आमदार विजय सरदेसाई यांनी रविवारी या ठिकाणी भेट दिली. या वेळी त्यांनी शांत असलेल्या फातोर्ड्यात अशा घटना समोर येणे हे कायदा आणि सुव्यवस्था बिघडल्याचे द्योतक असल्याची टीका केली.
आमदार सरदेसाई म्हणाले की, शांततापूर्ण फातोर्ड्यात अशा घटना घडत आहेत, हे धक्कादायक आहे. ही घटना अतिशय विचित्र आहे. कुजलेला हात सापडला, पण मृतदेह सापडलेला नाही. हा खून आहे किंवा काय याची काहीही माहिती कुणाला नाही.
कुणीही हरवल्याची तक्रार पोलिसांत नोंद नाही. राज्यातील कायदा व सुव्यवस्था कोलमडल्याचे हे एक उदाहरण आहे, राज्यात दिवसेंदिवस गुन्हेगारीच्या घटनांमध्ये वाढ होत आहेत. मी सोमवारी विधानसभेत हा मुद्दा उपस्थित करणार आहे.
पोलिस कर्मचारी, वाहतूक पोलिस कर्मचाऱ्यांची कमतरता राज्यात आहे. या सर्व मुद्यांवर विधानसभेत चर्चा करणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
