उपराष्ट्रपती (Vice President) एम. व्यंकय्या नायडू (Venkaiah Naidu) यांचे आज सकाळी 27 ऑक्टोबर रोजी गोव्यात (Goa) नौदलाच्या हंस तळावर आगमन झाले आहे .त्यांचा हा दौरा 30 ऑक्टोबरपर्यंत असणार आहे .आज उपराष्ट्रपतीचे गोव्यात आगमन झाले असता राज्यपाल पी.एस.श्रीधरन (P. S. Sreedharan Pillai) यांनी त्यांचे राज्यात स्वागत केले .यावेळी नौदल हंस तळावर त्यांच्या स्वागतासाठी मुख्यमंत्री डॉ. प्रमोद सावंत (Pramod Sawant), वाहतूक मंत्री माविन गुदिन्हो, मुख्य सचिव परीमल राय व इतर मान्यवर उपस्थित होते.(Vice President Venkaiah Naidu on Goa Tour)
आपल्या या भेटीदरम्यान उपराष्ट्रपती विर्नोडा पेडणे येथील संत सोहिरोबानाथ आंबिये सरकारी कला, विज्ञान आणि वाणिज्य शाखेच्या इमारतीचे उद्घाटन करतील.
राजकीय पक्षांचे राष्ट्रीय पातळीवरील अनेक दिग्गज नेते तसेच सरकारी पातळीवरील महनीय व्यक्ती या आठवड्यात गोव्यात येणार आहेत. यामुळे राज्यातील राजकीय घडामोडींना बराच वेग येणार आहे. दरम्यान आज उपराष्ट्रपती येणार म्हणून दाबोळी विमानतळ परिसरात कडक पोलिस बंदोबस्त ठेवण्यात आला होता.उपराष्ट्रपती रस्ता मार्गे पणजीला रवाना झाले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
