उपराष्ट्रपती व्यंकय्या नायडू गोव्याहून दिल्लीसाठी रवाना

दाबोळी: उपराष्ट्रपती एम. व्यंकय्या नायडू आज सकाळी 30 ऑक्टोबर रोजी दाबोळी नौदलाच्या हंस तळावरुन दिल्लीला रवाना झाले.त्यांचा हा दौरा 30 ऑक्टोबरपर्यंत होता. आज त्यांना निरोप द्यायला नौदल हंस तळावर राज्यपाल पी.एस.श्रीधरन, केंद्रीय मंत्री श्रीपाद नाईक, मुख्यमंत्री डॉ. प्रमोद सावंत, वाहतूक तथा शिष्टाचार मंत्री माविन गुदिन्हो, विरोधी पक्षनेते दिगंबर कामत आदी मान्यवर उपस्थित होते.

आपल्या या भेटीदरम्यान उपराष्ट्रपती विर्नोडा पेडणे येथील संत सोहिरोबानाथ आंबिये सरकारी कला, विज्ञान आणि वाणिज्य शाखेच्या इमारतीचे उद्घाटन केले. राजकीय पक्षांचे राष्ट्रीय पातळीवरील अनेक दिग्गज नेते तसेच सरकारी पातळीवरील महनीय व्यक्ती या आठवड्यात गोव्यात रेलचेल आहे. यामुळे राज्यातील राजकीय घडामोडींना बराच वेग आला आहे. दरम्यान आज उपराष्ट्रपती वेंकय्या नायडू दिल्लीला रवाना झाले.यावेळी दाबोळी विमानतळ परिसरात कडक पोलिस बंदोबस्त ठेवण्यात आला होता. उपराष्ट्रपती रस्ता मार्गे पणजी हून दाबोळी विमानतळावर आले.यावेळी चिखली जंक्शन ते दाबोळी विमानतळ परिसरात नाकाबंदी करण्यात आली होती.