मडगाव : वार्का येथे दोन दुचाकींना पतीनेच आग लावली, अशी तक्रार कोलवा पोलिस ठाण्यात नोंद झाली असून, कौटुंबिक वादातून ही घटना घडली. संशयित दामोदर कोलकर (४४) याच्याविरुद्ध पोलिसांनी भारतीय न्याय संहितेच्या ३२४ (५) व ३५१ (३) कलमाखाली गुन्हा दाखल केला आहे.
हवालदार समीर मराठे पुढील तपास करीत आहेत. विनंती कोलकर या तक्रारदार आहेत. रविवारी पहाटे पावणे चारच्या सुमारास आगीची वरील घटना घडली होती. यात दोन दुचाकींना आग लागून, २ लाख २० हजार रुपयांची हानी झाली होती.
या दुचाकी विनंती व त्यांच्या मुलाच्या मालकीच्या होत्या. संशयिताने धमकी दिल्याचेही तक्रारदाराने तक्रारीत नमूद केले आहे. वार्का येथे घरासमोर पार्क केलेल्या दोन दुचाकींना आग लागून अंदाजे दोन लाखांची हानी झाली होती .
आगीचे नेमके कारण स्पष्ट होऊ शकले नव्हते. विनंती कोलकर यांच्या मालकीच्या ह्या दुचाकी आहेत. रविवारी पहाटे पावणे चारच्या सुमारास ही दुर्घटना घडलीअसे सांगण्यात आले. विचित्र आवाज ऐकून घरातील मंडळी बाहेर आली असता, त्यांना आग लागल्याचे दिसून आले.
मागाहून शेजारीही जमले. आगीवर नियंत्रण ठेवण्यासाठी लोकानी पाण्याचा माराही केला. मडगाव अग्नीशमन दलाचे अधिकारी गिल सोझा यांच्या मार्गदर्शनाखाली दलाच्या जवानांनी नंतर घटनास्थळी जाऊन आग विझवली. या दुर्घटनेत अॅक्टीव्हा व टीव्हीएस एनटॉर्क या दुचाकीलाही आग लागली होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
