उपराष्ट्रपती व्यंकय्या नायडू यांचे आज सायंकाळी 6 वाजता गोव्यात हंसतळावर आगमन झाले. यावेळी त्यांच्या स्वागतासाठी गोवा राज्यपाल पी.एस.श्रीधरन पिल्लई, मुख्यमंत्री डॉक्टर प्रमोद सावंत, केंद्रीय मंत्री श्रीपाद नाईक, शिष्टाचार मंत्री माविन गुदिन्हो, सभापती राजेश पाटेकर आदी उपस्थित होते. नायडू दोन दिवसांच्या गोवा (goa) भेटीवर आले असून रात्री त्यांचा मुक्काम राजभवनवर असेल.
उद्या सकाळी 11 वाजता राजभवनातील (Raj Bhavan) नवीन दरबार हॉलचे उद्घाटन नायडू करणार आहेत. त्यासाठी राज्यपाल पी. एस. श्रीधरन पिल्लई यांनी नायडूंना खास पाचारण केले आहे. या हॉलमध्ये नवीन सरकारचा शपथविधी होणार असून उद्घाटनास मुख्यमंत्री (CM) प्रमोद सावंत, विरोधी पक्षनेते दिगंबर कामत तसेच राज्यपालांसह इतर मान्यवर हजेरी लावणार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
