रामनवमीच्या शोभायात्रेवर दगडफेक केल्यानंतर झालेल्या तणावाची स्थिती सक्षमरीत्या हाताळण्यास अपयश आल्याबद्दल मुरगावचे उपअधीक्षक सलीम शेख आणि वास्को पोलीस स्थानकाचे निरीक्षक नितीन हलर्णकर यांची तडकाफडकी गोवा (goa) राखीव पोलीस दलात बदली करण्यात आली आहे.
दरम्यान, वास्कोतील रामनवमी रथयात्रेदरम्यान झालेली दगडफेक, मारहाण प्रकरणी वास्को पोलिसांकडून 13 जणांना अटक (arrested) करण्यात आली आहे. पुढील चौकशी वास्को पोलिस करत आहेत. कायदा व सुव्यवस्थेसाठी भारतीय राखीव दलाच्या 2 तुकड्या वास्को परिसरात तैनात करण्यात आल्या आहेत. परिसरात तणावाचे वातावरण पहायला मिळत आहे.
पोलीस मुख्यालय अधीक्षक शेखर प्रभुदेसाई यांनी काल जारी केलेल्या आदेशात त्यांच्या जागेवर उपअधीक्षक निलेश राणे आणि निरीक्षक कपिल नायक याना रुजू होण्याचे आदेश दिले आहेत.
वास्कोतील (Vasco) रविवारच्या रथयात्रेवर झालेल्या दगडफेकीच्या घटनेनंतर वास्कोचे पोलीस (police) उपअधीक्षक सलीम शेख व निरीक्षक नितीन हळर्णकर या दोघांना तत्काळ राखीव दलात हजेरी लावण्याचा बिनतारी संदेश देण्यात आला होता. त्यांच्याजागी उपअधीक्षक नीलेश राणे आणि निरीक्षक कपिल नायक यांची नियुक्ती करण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
