Mumbai Goa Vande Bharat Train : ‘वंदे भारत’ ट्रेन मुंबई-गोवा मार्गावर उद्यापासून धावणार

Mumbai Goa Vande Bharat Train ओडिशात बालासोर येथे शुक्रवारी रात्री कोरोमंडल एक्सप्रेसला भीषण अपघात झाल्यामुळे आज, शनिवारी मडगाव रेल्वे स्थानकावर होणारा ‘वंदे भारत’ एक्सप्रेस रेल्वेचा शुभारंभ कार्यक्रम जरी रद्द केला असला, तरी ही एक्सप्रेस आता 5 जूनपासून मुंबई-मडगाव मार्गावर नियमितपणे सुरू होईल, अशी माहिती कोकण रेल्वेचे जनसंपर्क अधिकारी बबन घाटगे यांनी दिली.

5 जून रोजी सीएसटी मुंबई स्थानकावरून सकाळी 5.25 वाजता ही गाडी सुटेल. रेल्वे दुर्घटनेमुळे ही गाडी शुक्रवारी रात्रीच मुंबईला रवाना झाली, अशी माहिती बबन घाटगे यांनी दिली.

• मुंबईहून सकाळी ५.२५ वाजता सुटेल.

• मडगाव स्थानकावर दुपारी १.१५ वा. पोहोचेल.

• मडगावहून दुपारी २.३५ वाजता सुटेल.

• मुंबईत ‘सीएसटी’वर रात्री १०.२५ वाजता पोहोचेल.

(शुक्रवार वगळता आठवड्यातील सर्व दिवस सेवा)

प्रमुख थांबे : दादर, ठाणे, पनवेल, खेड, रत्नागिरी, कणकवली, थिवी.