Vande Bharat Sleeper Version: 'वंदे भारत'चा प्रवास होणार आणखी आरामदायी, नवा स्लिपर व्हर्जन पाहिला का?

Vande Bharat Sleeper Version: देशातील विविध मार्गावर वंदे भारत ट्रेन सुरु करण्यात आल्या आहेत. मुंबई-गोवा, मुंबई-सोलापूर, मुंबई- शिर्डी यासह विविध 20 मार्गांवर वंदे भारत सध्या धावत आहे.

आरामदायी, वेग आणि अत्याधुनिक अशी ओळख असलेल्या वंदे भारतचा प्रवास आणखी आरामदायी होणार आहे. ट्रेनमध्ये नवा स्लिपर व्हर्जन येणार आहे.

रेल्वे राज्यमंत्री दर्शा जरदोश यांनी नव्या स्वरुपातील स्लिपर व्हर्जनचे फोटो शेअर केले आहेत. ट्रेनमधील स्लिपर कोच अतिशय आरामदायी असून, यामुळे प्रवाशांना सुखद अनुभव मिळणार आहे.

मंत्री जरदोश यांनी दिलेल्या माहितीनुसार नव्याने प्रस्तावित स्लिपर कोच पुढील वर्षी (2024) येणार असल्याचे त्यांनी म्हटले आहे.

सध्या गोव्यासाठी मुंबईतून एक वंदे भारत ट्रेन सुरु आहे. मंगळुरु गोवा मार्गावर नव्याने वंदे भारत सुरु करण्याचा प्रस्ताव सध्या विचाराधिन आहे. याबाबत दक्षिण कन्नडचे खासदार नलिन कुमार कटील यांनी रेल्वे मंत्री अश्विनी वैष्णव यांची भेट घेऊन ट्रेन सुरु करण्याची मागणी केली.

वैष्णव यांनी या मार्गावर ट्रेन सुरु करण्याची घोषणा केली आहे.