Goa Police Seize Illegal Beef: बेळगावातून गोव्यात बेकायदेशीर मांसाची तस्करी, 120 किलो गोमांस जप्त; वाळपई पोलिसांची कारवाई

केरी चेकपोस्टवर काल (2 ऑक्टोबर) उत्तररात्री दोनच्‍या सुमारास वाळपई पोलिसांनी बेळगावहून गोव्यात येणाऱ्या स्विफ्ट डिझायर कारमधून 120 किलो बेकायदा गोमांस जप्त केले.

मिळालेल्‍या माहितीनुसार, केरी चेकपोस्टवर वाहनांची तपासणी करताना पोलिसांना स्विफ्ट डिझायर कारच्या डिक्कीमध्ये गोमांस सापडले. त्‍याबाबत कोणत्याही प्रकारचे कागदपत्र किंवा परवानगी नसल्यामुळे पोलिसांनी कारवाई करत इरफान सय्यद याला चौकशीसाठी ताब्यात घेतले. तसेच कार व गोमांस जप्त केले.

या गोमांसाची किंमत १३ हजार रुपये आहे. पोलिसांनी इरफानविरोधात गुन्हा नोंद केला आहे. या प्रकरणाचा तपास वाळपई पोलिस निरीक्षक विदेश शिरोडकर यांच्या मार्गदर्शनाखाली पोलिस उपनिरीक्षक प्रथमेश नाईक करत आहे.