Goa Crime: चोर्ला घाटात सापडला मद्यसाठा! वाळपई पोलिसांची कारवाई; 24 हजारांची दारु जप्त

Valpoi Police Find Liquor and Feni in Chorla Ghat During Raid

वाळपई: वाळपई पोलिसांना चोर्ला घाटातील रस्त्याच्या कडेला संशयास्पद वस्तू असल्याची माहिती मिळाल्यानंतर पोलिसांनी तातडीने घटनास्थळी धाव घेत शोधमोहीम राबवली.

या मोहिमेत रस्त्यालगतच्या झुडपांत मद्याच्या बाटल्यांचे दोन बॉक्स आणि काजू फेणीच्या दोन मोठ्या कॅन्स सापडल्या त्याची एकुण किंमत 24 हजार रुपये असल्याचे समजते.

ओल्ड मॉंक XXX रमच्या दोन बॉक्समध्ये एकूण ४९ बाटल्या आढळल्या, ज्यांची किंमत सुमारे १०हजार रुपये आहे. स्थानिक काजू फेणीच्या सुमारे ७० लिटरच्या दोन मोठ्या कॅन्सदेखील सापडल्या, ज्यांची अंदाजे किंमत १४ हजार रुपये आहे.

या संपूर्ण साठ्याची अंदाजे किंमत २४ हजार रुपये आहे.पोलिसांकडून याप्रकरणाचा तपास सुरू असून, मद्याचा हा साठा कोणी सोडला आणि कुठे पाठवण्याचा हेतू होता, याचा शोध घेतला जात आहे. पोलिसांनी घटनास्थळी पंचनामा करून संपूर्ण मद्यसाठा जप्त केला. अज्ञाताविरुद्ध गुन्हा नोंदवण्यात आला आहे.