Valpoi News : वाळपई सध्या राज्यात डेंग्यूच्या रुग्णांत दिवसेंदिवस वाढ होत आहे. यामुळे वाळपई येथील शासकीय इस्पितळ सतर्क झाले आहे. अनेक भागात डेंग्यू पसरू नये म्हणून फवारणी व जनजागृतीही करण्यात येत आहे.
काही दिवसांपासून बदलत्या हवामानामुळे ताप येणे, सर्दी आदी प्रकारात वाढ झालेली आहे. यात काही जणांना डेंग्यू झाल्याचे स्पष्ट झाले आहे. सप्टेंबर महिन्यात एकूण ६ डेंग्यूचे रुग्ण आढळून आले होते. मात्र सर्वांची प्रकृती चांगली आहे.
डेंग्यूची लागण झालेल्या रूग्णांनी वेळेवर उपचार घेतले होते. त्यामुळे कोणताही अनर्थ घडलेला नाही. गतवर्षी मेपासून सत्तरीत डेंग्यूचे मोठ्या संख्येत रुग्ण सापडले होते. त्यामुळे यंदा दक्षता घेण्यात आली होती.
डेंग्यू रूग्णांच्या पार्श्‍वभूमीवर सत्तरी इस्पितळातर्फे जनजागृती मोहीम हाती घेण्यात आलेली आहे. तसेच ज्या रुग्णांना ताप, अंग दुखी किंवा इतर त्रास होत असेल तर त्यांना तातडीने आरोग्य तापसणी करावी. तसेच घराशेजारी स्वच्छता ठेवावी. कुठेही पाणी साचू नये, याची काळजी घ्यावी.
-डाॅ. विकास नाईक, वाळपई आरोग्य अधिकारी
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.