वाळपई, पिसुर्ले भागातील खनिज खाणीचा व्यवसाय गेल्या अनेक वर्षापासून बंद आहे. यामुळे या भागातील लोकांचे आर्थिक गणित कोलमडलेले आहे.
निवडणुकीनंतर या भागातील खाणींच्या लिलावाची प्रक्रिया शक्यतो लवकर हाती घेण्याचे प्रयत्न राहतील. या खाण व्यवसाय सुरू झाल्यानंतर या भागातील अनेक समस्या सुटणार आहेत. रोजगाराची चिंता करण्याची गरज नाही, असे आरोग्यमंत्री विश्वजीत राणे यांनी सांगितले.
पर्ये मतदारसंघातील पिसुर्ले पंचायत क्षेत्रात आयोजित कोपरा बैठका ते बोलत होते. यावेळी मोठ्या प्रमाणात नागरिकांची व कार्यकर्त्यांची उपस्थिती होती. याप्रसंगी व्यासपीठावर पर्येच्या आमदार डॉ. दिव्या राणे, विनोद शिंदे , होंडा जिल्हा पंचायत सभासद सगुण वाडकर, पंचायतीचे सरपंच देवानंद परब, पंच सदस्य आत्माराम परब, नामदेव चारी, बिजली गावडे, बालकृष्ण शिलकर, राजश्री रामा जल्मी, रुपेश कृष्णा गावडे आदींची खास उपस्थित होती.
विश्वजीत राणे म्हणाले की, या भागात खनिज खाणीचा प्रमुख मुद्दा आहे. सरकारने अनेक ठिकाणी असलेल्या खनिज खाणीचा लिलाव सुरू केलेला आहे. मात्र, या भागातील खनिज खाणींच्या व्यवसायाला अजून सुरुवात झालेली नाही. यामुळे या भागातील व्यावसायिकांचे गणित पूर्णपणे कोलमडले आहे.
त्यांना दिलासा देणे गरजेचे आहे. यासाठी या भागातील खनिज व्यवसाय सुरू होणे ही काळाची गरज आहे. निवडणकीनंतर या संदर्भात प्रक्रिया गतिमान व्हावी यासाठी प्रयत्न करू, असे आश्वासन यावेळी त्यांनी दिले.
पर्ये मतदारसंघाच्या विकासासाठी आपण कटिबद्ध आहे. दोन वर्षांत अनेक प्रलंबित असलेल्या समस्या सुटलेल्या आहेत. आजवर उपलब्ध नसलेल्या अनेक पायाभूत सुविधा मतदारसंघांत निर्माण झालेल्या आहेत. यापुढेही आणखी विकासकामे मार्गी लागतील. याची दखल घेऊन केवळ विकासामुळे सर्वांनी भाजपच्या उमेदवाराच्या मागे खंबीरपणे उभे रहावे.
-डॉ. दिव्या राणे,आमदार पर्ये
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
