Aadhar Card : आधारकार्डात 14 जूनपर्यंत ऑनलाईन सुधारणा करा : जोशी

यूआयडीएआयच्या प्रादेशिक कार्यालयाचे डीडीजी सुमनेश जोशी यांनी नुकतीच मुख्यमंत्री प्रमोद सावंत यांची सदिच्छा भेट घेतली. सध्या राबविल्या जाणाऱ्या आधार कार्ड सुधारणा मोहिमेविषयी त्यांनी मुख्यमंत्र्यांना माहिती दिली.

यावेळी जोशी यांनी माहिती देताना सांगितले , की ज्या नागरिकांना 10 वर्षांपूर्वी आधार कार्ड मिळालेले आहे व जे त्याच पत्त्यावर राहत आहेत त्यांना कागदपत्रे अपलोड करण्याची सूचना करण्यात आलेली आहे.

तसेच कागदपत्रांत सुधारणा करण्यासाठी पंचायत पातळीवर शिबिरांचे आयोजन करण्यात येणार आले आहे. याशिवाय नागरीक ऑनलाईनही कागदपत्रांत विनाशुल्क 14 जून 2023 पर्यंत सुधारणा करू शकतात. गोमंतकीयांना या सुविधेचा लाभ घ्यावा असे ते म्हणाले.

आधार नोंदणी पध्दती अधिक प्रभावी करणे, तसेच राज्य पोर्टलचा वापर करून १८ वर्षांवरील नवीन प्रौढ नोंदणी याविषयीही जोशी यांनी मुख्यमंत्र्यांना माहिती दिली. तसेच त्यांनी एमआधारला प्रोत्साहन देण्यासाठी आणि आधार क्यूआर कोडचा वापर याबाबत मुख्यमंत्र्यांना विनंती केली.

यावेळी मुख्यमंत्र्यांनी जोशी यांना सांगितले की, गोवा राज्य आधार आधारीत डीबीटीचा अवलंब करणार आहे आणि लाभार्थी परिचयासाठी आधार कार्ड

विश्‍वासार्हतेची पडताळणी केली जाणार आहे. तसेच एप्रिलमध्ये आधारच्या वापरासंबंधात कार्यशाळा किंवा चर्चासत्राचे आयोजन करण्याचे आवाहन मुख्यमंत्र्यांनी जोशी यांना केले.