Goa Death Case: कपडे धूत असताना ती अत्यवस्थ झाली, रुग्णवाहिकाही आली पण तोवर.... ; नुवेतील घटना

किरभाट-नुवे येथील मार्था वाझ या महिलेचा मृत्‍यू झाला. घराबाहेर कपडे धूत असताना ती अत्‍यवस्‍थ झाल्‍याने 108 मदतसेवेच्‍या ॲम्‍बुलन्‍समधून दक्षिण गाेवा जिल्‍हा इस्‍पितळात नेले असता, तेथील डॉक्‍टरांनी तिला मृत घोषित केले.

अनैसर्गिक मृत्‍यू म्‍हणून मायणा-कुडतरी पोलिसांनी हे प्रकरण नोंदवून घेतले आहे. उपनिरीक्षक प्रशांत भगत पुढील तपास करीत आहेत.

शिरोड्यात स्कूल बस कलंडून विद्यार्थी जखमी

शिवशैल-शिरोडा येथील स्कूल ऑफ सिम्बॉयसिसची स्कूल बस सोमवार, १४ रोजी दुपारी विद्यार्थ्यांना पोहोचवण्यासाठी पाज भागात जात असताना पाज येथील रस्त्याशेजारी कलंडली. यातील चार विद्यार्थ्यांना किरकोळ दुखापती झाल्या. बस वाहकाला प्रथम शिरोडा उपआरोग्य केंद्रात व तेथून मडगावच्या इस्पितळात उपचारार्थ नेण्यात आले.