Goa Hit And Run: 'शरीराचा चेंदामेंदा, डोके आढळले 1 किलोमीटर लांब', उसगावात हिट अँड रनमध्ये एक ठार

Goa Hit And Run

उसगाव खुर्साकडे येथे हिट अँड रनची एक घटना उघडकीस आली असून, अज्ञात वाहनाच्या धडकेत एकाचा जागीच मृत्यू झाला आहे. मिळालेल्या माहितीनुसार, मृत व्यक्ती याच परिसरातील रहिवाशी असून, पण त्याची ओळख अद्याप पटलेली नाही. नेस्ले कंपनीजवळ हा अपघात झाला.

अपघाताची माहिती मिळताच फोंडा पोलिस घटनास्थळी दाखल झाले असून, घटनेचा पंचनामा केला जात आहे. दरम्यान, हा अपघात एवढा भीषण होता की अपघातात मृत व्यक्तीच्या शरीराचा पूर्णपणे चेंदामेंदा झाला असून, मृताचे डोके सुमारे एक किलोमीटर लांब आढळून आले आहे.

एखाद्या अवजड वाहनाने हा अपघात झाला असावा असा संशय पोलिसांनी व्यक्त केला आहे.