पणजी: उत्तर गोव्यातून एक धक्कादायक बातमी समोर आली आहे. आश्वे येथील श्री भूमिका मंदिराला अज्ञाताने ठाळे ठोकल्याची घटना उघडकीस आल्याने गोंधळ उडाला. मंदिराला टाळे कोणी ठोकले? यावरुन संतप्त झालेले स्थानिक मंदिर परिसरात एकत्र आले. बुधवारी (०२ ऑक्टोबर) रात्रीच्या सुमारास ही घटना उघडकीस आली.
समोर आलेल्या माहितीनुसार, श्री भूमिका मंदिराला बुधवारी रात्रीच्या सुमारास अज्ञाताने टाळे ठोकल्याची घटना उघडकीस आली. टाळे ठोकल्याची माहिती समोर आल्यानंतर गावातील स्थानिक आणि भाविक मंदिराजवळ एकत्र आले.
मंदिराला टाळे कोणी ठोकले यावरुन परिसरात गोंधळ निर्माण झाला. तणावपूर्ण परिस्थिती निर्माण होताच मामलेदार आणि पोलिस देखील घटनास्थळी दाखल झाले. दरम्यान, या प्रकरणात गटबाजी देखील समोर आली असून, आश्वेतील दोन गटांनी एकमेकांवर आरोप केले आहेत.
मंदिराचा पूर्वीचा टाळा बदलून त्याजागी नवा टाळा रात्री दोनच्या सुमारास लावल्याचा आरोप गावातील एका गटाने केला आहे. दरम्यान, दुसऱ्या गटाने नवरात्रीच्या निमित्ताने सुरक्षेच्या काराणास्तव टाळा लावण्याची माहिती दुसऱ्या गटाने दिली आहे.
टाळा ठोकल्याच्या घटनेवरुन मंदिर परिसरात मोठा तणाव निर्माण झाला असून, मोठा पोलिस फौजफाटा परिसरात तैनात करण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.