वाळपई: विद्यार्थ्यांना शालेय जीवनातच शेतीचे महत्त्व समजावे, कृषीप्रति जाणीव निर्माण व्हावी आणि या क्षेत्राचा सखोल अभ्यास व्हावा, या उद्देशाने युनिटी हायस्कूलतर्फे विद्यार्थ्यांसाठी एक विशेष शैक्षणिक अभ्यास दौरा आयोजित केला होता.
शनिवारी बिबे-धावे-सत्तरी येथील कृषी खात्याच्या शेती प्रकल्पाला विद्यार्थ्यांनी भेट दिली. या दौऱ्यात त्यांनी प्रत्यक्ष शेतात जाऊन विविध आधुनिक कृषी पद्धती, शेतीची उपकरणे, सेंद्रिय शेतीचे तंत्र आणि पिकांची लागवड यांचा अनुभव घेतला.
हा अभ्यास दौरा शाळेच्या शिक्षिका नगिना खान यांच्या मार्गदर्शनाखाली आयोजित केला होता. त्यांनी विद्यार्थ्यांना शेतीशी संबंधित माहिती दिली. अभ्यास दौऱ्याच्या यशस्वी आयोजनासाठी विभागीय कृषी अधिकारी विश्वनाथ गावस आणि प्रसाद बाणावलीकर यांनी मोलाचे मार्गदर्शन व सहकार्य दिले.
विद्यार्थ्यांमध्ये उत्सुकता
या उपक्रमात विद्यार्थ्यांनी अत्यंत उत्साहाने सहभाग घेतला. शेतीबद्दल त्यांची जाणीव वाढली असून, काही विद्यार्थ्यांमध्ये पुढे कृषी शिक्षण घेण्याबाबत उत्सुकता निर्माण झाली आहे. हा दौरा विद्यार्थ्यांच्या विकासासाठी उपयुक्त ठरला असून त्यांच्या मनात कृषी क्षेत्राबद्दल आदर आणि आकर्षण निर्माण झाले आहे, असे शिक्षिका नगिना खान यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.