तिसवाडी: ‘सेव्ह ओल्ड-गोवा’ कृती समितीतर्फे युनेस्कोने जाहीर केलेला ओल्ड गोवा येथील या ऐतिहासिक वारसा टिकवून ठेवण्यासाठी गोवा सरकारने त्वरित मास्टर प्लॅनची अंमलबजावणी करावी अशी जोरदार मागणी केली.
येथील आझाद मैदानावर घेण्यात आलेल्या पत्रकार परिषदेत समितीचे पदाधिकारी पीटर व्हिएगस, जॅक्लीन फर्नांडिस, व्हिन्सेंट डिसिल्वा व जेनिफर लोबो यांनी ओल्ड गोवा येथील जागतिक वारसा असलेल्या भागात स्थानिक पंचायतीला विश्वासात न घेता बेकायदा इमारतीचे बांधकाम करण्यासाठी सरकारच प्रोत्साहन देत असल्याचा आरोप केला.
त्यामुळे या वारसास्थळाचे भवितव्य संकटात आले आहे. या वारसास्थळाजवळ जुनी पोलिस स्थानकाची इमारत मोडून तीन मजली इमारत येत आहॆ. या इमारतीला पंचायतीने कोणतीही परवानगी दिली नसल्याचे पंचायतीने या समितीला लेखी स्वरूपात कळविले असल्याचा उल्लेख समितीने केला.
विधानसभेत विरोधी आमदारांनी हे वारसास्थळ सांभाळण्याकरिता मास्टर प्लॅनसाठी सरकारकडे जोरदार मागणी केली तर स्थानिक आमदार या विषयी गप्प राहिले याचा अर्थ काय? असा सवाल समितीने यावेळी केला. प्रसंगी तीव्र आंदोलन केले जाईल, असा इशाराही समितीने सरकारला दिला आहॆ.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.