पणजी: म्हादई नदीचे पाणी वळवण्यासाठी ७१ हेक्टर जंगल क्षेत्र वापरण्यास परवानगी मागणारा कर्नाटक सरकारचा प्रस्ताव केंद्रीय वन, पर्यावरण आणि हवामान बदल मंत्रालयाने परत पाठवला आहे.
गोवा सरकारने केलेल्या पाणी वळवण्याच्या आरोपांवर कर्नाटकाकडून मंत्रालयाने खुलासा मागितला आहे. याआधी कर्नाटकाच्या या प्रस्तावाला मान्यता देण्यास राष्ट्रीय वन्यजीव मंडळाने नकार दिला होता. मंडळाने गोवा सरकारच्या खटल्यांचा संदर्भ दिला होता. कर्नाटकाला गेल्या दहा दिवसांत म्हादईप्रश्नी बसलेला हा दुसरा धक्का आहे.
जंगल क्षेत्र वापरण्यास परवानगी नाकारल्‍याने कर्नाटक सरकारच्या कुटनीतीला लगाम लागेल, अशी अपेक्षा आहे; तर दुसरीकडे गोवा सरकारला हा मोठा दिलासा आहे. यापूर्वी वन्‍य जीव मंडळाकडून नकार मिळाल्‍यानंतर कर्नाटक सरकारने सर्वपक्षीय शिष्‍टमंडळ दिल्‍लीला नेण्‍याचे योजले; तेवढ्यात केंद्रीय वन मंत्रालयाने अन्‍य प्रस्ताव नाकारून नियमांच्‍या कक्षेत राहण्‍याबाबत कर्नाटक सरकारला सुचविले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.