सासष्टी : महिला व बाल विकास खात्याच्या केंद्रीय मंत्री स्मृती इराणी (Smriti Irani) यांची जाहीर सभा शुक्रवारी 11 फेब्रुवारी रोजी संध्याकाळी आके मडगाव येथे आयोजित करण्यात आली आहे. ही सभा मडगावचे (Margao) भाजप (BJP) उमेदवार मनोहर उर्फ बाबू आजगावकर यांच्या प्रचारार्थ होणार असून, संध्याकाळी साडेपाच वाजता आके येथील कॉस्ता फॅक्टरीच्या मागे असलेल्या मैदानावर होणार आहे.
दरम्यान, गोव्यात विधानसभा निवडणूकच्या (Assembly Election) पार्श्वभूमीवर प्रचाराची रणधुमाळी पाहायला मिळत आहे. राज्यात सत्तेत असणाऱ्या भाजपला पराभूत करण्यासाठी विरोधक चांगलचे तयारीला लागले आहेत. राजकीय नेते प्रचारसभांच्या माध्यमातून एकमेकांवर आरोप-प्रत्यारोपांच्या फैरी झाडत आहेत. याच पार्श्वभूमीवर भाजपचे केंद्रीय नेते गोव्यात दाखल होत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
