Goa G20 Summit 2023: गोव्यात G20 च्या आरोग्यविषयक कृतीगटाची दुसरी बैठक सध्या गोव्यात पणजी येथे सुरु आहे. या बैठकीच्या दुसऱ्या दिवशी केंद्रीय आरोग्य मंत्री डॉ. मनसुख मांडवीय यांनी उपस्थिती दर्शवली.
डॉ. मांडवीय यांनी G20 च्या काही प्रतिनिधींशी संवादही साधला तसेच त्यांनी पणजीतील प्रधानमंत्री भारतीय जनौषधी परीयोजना केंद्रालाही भेट दिली.
येथे डॉ. मांडवीय यांनी G20 च्या प्रतिनिधींची चर्चा केली. या जनौषधी केंद्रातील स्वस्त औषधे, सॅनिटरी नॅपकिन आणि इतर उत्पादनांची माहितीही डॉ. मांडवीय यांनी परदेशी पाहुण्यांना दिली. याबाबतचा व्हिडिओही समोर आला आहे.
दरम्यान, सध्या G20 समुहाचे अध्यक्षपद भारताकडे आहे. काल सोमवारी या बैठकीत पहिल्या दिवशी केंद्रीय आरोग्य राज्यमंत्री डॉ. भारती पवार, नीती आयोगाच्या आरोग्य विभागाचे सदस्य डॉ. विनोद के. पॉल उपस्थित होते.
आग्वाद किल्ला परिसरात सांस्कृतिक कार्यक्रम आणि डिनरद्वारे G20 च्या बैठकीच्या पहिल्या दिवसाची सांगता झाली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
