Margao Road
Margao RoadDainik Gomantak

जुने दुभाजक रस्त्याखाली; मडगावचे रस्ते धोकादायक

रस्त्यावर दिशादर्शक पट्ट्यांचे रेखन नसल्याने अपघात होण्याचे प्रकार घडत आहेत.
Published on

फातोर्डा: डांबराचा जुना थर न काढताच मडगावात रस्त्यावर हॉटमिक्स केल्याने जुने दुभाजक या थराखाली आले आहेत. वाहनचालकांना त्याचा अंदाज येत नसल्याचे या रस्त्यावर आता अपघात वाढू लागले आहेत.

मडगावच्या रस्त्याचे हॉटमिक्सिंग करण्यात आले आहे; मात्र या रस्त्यावर दिशादर्शकाच्या पट्ट्या रेखण्यात न आल्याने येथे अपघात होण्याचे प्रकार घडत आहेत. त्यामुळे या पट्ट्यांचे रेखन लवकर करावे, अशी मागणी जोर धरू लागली आहे.

Margao Road
जुना बाजार बनला... मिनी सोनसोडो

मडगाव उद्यानाच्या डाव्या बाजूला पादचाऱ्यांना जाण्यासाठी रस्त्यावर असलेले झेब्रा क्रॉसिंग नव्याने केलेल्या हॉटमिक्सिंगमुळे दिसत नाही. त्यामुळे या ठिकाणी रात्रीच्या वेळी अपघात होत आहेत. याबरोबरच कामत हॉटेलजवळ बसथांब्यासाठी असलेले डिव्हायडर हॉटमिक्सिंगमुळे रस्त्याची उंची वाढल्याने वाहनचालकाला स्पष्ट दिसत नाहीत. त्यामुळे अपघातांना आमंत्रण मिळत आहे. तसेच रस्त्याची उंची वाढवण्यात आली असल्याने फुटपाथ आणि रस्ता समांतर पातळीवर आले आहेत. त्यामुळे एखादे वाहन कुठल्याही वेळी ओव्हरस्पिडने असल्यास या फुटपाथवर चढण्याची शक्यता आहे.

मडगावचे नगरसेवक महेश आमोणकर या बाजूने रात्रीच्या वेळी जात होते. दरम्यान येथे एकाला डिव्हायडर न समजल्यामुळे अपघात होऊन गंभीर दुखापत झाली होती, असे त्यांनी सांगितले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com