कुडतरी : मडगाव येथील चौदा वर्षीय किशोरला त्याच्या काकांनी स्कूटरवरून एका निर्जन ठिकाणी आंबे तोडण्याच्या बहाण्याने नेले आणि सुमारे 12 मीटर खोल असलेल्या विहिरीत ढकलून दिले.
सुमारे दोन तास प्रयत्न करून किशोर विहीरीतून सुखरूप बाहेर आला. दरम्यान, किशोर तीनदा पाण्यात पडला पण हार न मानता चौथ्या प्रयत्नात तो बाहेर पडण्यात यशस्वी झाला.
मुलाने पोलिसांना दिलेल्या माहितीनुसार, मित्रांसोबत घरी खेळत असताना, त्याचा काका बसवराज कागी याने त्याला त्याच्या दुचाकीवरून कुष्ठरोग रुग्णालयाजवळील कुडतरी येथे एका निर्जनस्थळी नेले. आणि आंबे तोडण्याच्या बहाण्याने त्याला विहिरीत ढकलले. विहीरीतून बाहेर येताच तो जवळच्या एका घरात गेला. त्या लोकांनी किशोरला अन्न आणि कपडे दिले. पाण्याची पातळी खूपच खालावली असून विहिरीच्या आत गाळ असल्याचे पोलिसांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
