वेळेवर सार्वजनिक वाहतूकीसाठी कदंब बसची संख्या कमी असल्याने समस्यांना सामोर जावे लागत असल्याची तक्रार नागरीकात आहे. यावर कदंब महामंडळाने मार्ग काढला असून, प्रवाशांची समस्यांतून सुटका होण्यासाठी खासगी बस भाडेतत्त्वावर घेण्याचा निर्णय घेण्यात आला आहे. अशी माहिती आज कदंब महामंडळाचे अध्यक्ष उल्हास तुयेकर यांनी दिली आहे.
(Ulhas Tuenkar informed that the Kadamba Corporation will take private buses on lease)
मिळालेल्या माहितीनुसार गेल्या काही दिवसांपासून कदंब बसची संख्या वाढवाव्या अशी मागणी नागरीकांतून होत आहे. वेळेत बस नसतील तर घरातून बाहेर पडलेल्या कामासाठी वेळ न जाता तो प्रवासात अधिक जातो अशी खंत काही प्रवाशांनी व्यक्त केली होती. यावर कदंब महामंडळाने पर्याय शोधला असून कदंब महामंडळ खासगी बस देखील चालवायला घेणार असल्याने बसची संख्या वाढण्यास मदत होणार आहे.
खासगी बस कदंब महामंडळ चालवायला घेणार असल्याची माहिती देताना कदंब महामंडळाचे अध्यक्ष उल्हास तुयेकर म्हणाले की, आतापर्यंत 140 खासगी बस मालकांकडून प्रतिसाद आला आहे. मात्र दराबाबत अधिक चर्चा होऊ शकलेली नाही. त्यामुळे दर ठरल्यानंतर याबाबतचा निर्णय घेतला जाईल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
